Putanga 3 Te Wāhanga Whakatū 
June 2, 2022

Kia-ora, tau mai rā ki te pānuitanga whakamutunga nā Te Wāhanga Whakatū i mua i tā mātou whakarewanga i te Manatū hōu ā te 1 o Hūrae.  

Mīharo ana i te tere haeretanga o te wā nō te orokowhakariteritetanga mai i ngā hohenga mahi ki te mataoratanga mai. E rongo ana mātou i te hiamo otiia, kua tau te mauri inā rā kua tata te whakaūngia.

Te Whakarewanga o te Manatū hōu  

E rere ana te kupu pōhiri ki a koe kia hono mai me mātou ā-mariko mō te whakarewanga o te Manatū hōu. Ka whakapāho a Attitude Pictures ki tā rātou poaetukutuku www.attitudelive.com


He angitūtanga e rongo ai i a Minita Williams, te Minita mō Ngā Take Whaikaha, ko ngā mema o te hapori kua whai wāhi mai i tēnei mahi me te Tumuaki hōu anō hoki. Ko te pāhotanga mataora e whai nei he kaiwhakamāori i Te reo Rotarota o Aotearoa kei runga mata.

  
Ka tīmata ai te pāhotanga mataora ā te 10am i te Paraire 1 o Hūrae, ā, ka wātea ai anō hoki hei a muri atu ki te paetukutuku. E manako ana mātou e whai wāhi mai koe ki te hono mai me mātou i tēnei kaupapa nui whakamiharo. 

Ko wai rā te Tumuaki? 

Nō te wā ka tukuna atu ai tēnei ki a koe, kāore hoki mātou i te mōhio otiia, e mōhio ana mātou kua whakapoua e Te Kāhui Ratonga Tūmatanui tētahi tangata, ā, ka tīmata te tangata ki te Manatū ina mutu ana tana tūranga mahi kei a ia i tēnei wā tonu.  


Hei te 1 o Hūrae, he Tumuaki kairīwhi (CE) ka whakapoua e Debbie Power, te Tumuaki o Te Manatū Whakahiato Ora. Mā Debbie e kanohi hōmiromiro ngā whakapōunga o ngā Tumuaki Kairīwhi. Hei te wā ka toka rawa iho he Tumuaki, māna anō ngā mahi taritari mō ngā tūranga pūmau. 


Mā te Minita e whakapuaki ki te whakarewanga mā wai hei Tumuaki hōu me te whakamōhio atu e pēhea nei ngā mahi anga whakamua mō te ingoa whakamutunga mō te Manatū. E ngākaupono ana mātou kia tukuna atu ai he kōrero whakahou hei taua rā, hei taua wā tonu anō rā, tēnā kia koi ngā kanohi ki tō pouaka whakawhiwhi kōrero.  

Kāorekau he panonitanga ki ngā ratonga me te tautoko ā te 1 o Hūrae 

Kei te hiahia kia whakamōhiotia atu ki a koutou ka kore he panonitanga mō te taha ki ngā tūmomo tautoko me ngā ratonga e whakawhiwhia ana ki a koe nō mua atu i te whakarewanga o te Manatū, ā, ko ngā whakapānga o ngā kaiwhakarato e whai wāhi ai ki a koe i tēnei wā nei, ka noho rite tonu anō. He tukunga kua whakaritea kia whakatūturuhia te katoa, tae atu anō ki ngā kaiwhakarato, e whiwhi tonu ai ā rātou haupū moni. 

He kāinga ora tuarua mō te kapa Manatū hōu 

I whakatauhia ka tīmata ake te Manatū ki 56 The Terrace, i Pōneke, mō tō rātou Tari Matua Ā-Motu, nō te wā e kimi kāinga pai atu ana mō tō rātou kāinga pūmau. E arotakengia ana tēnei wāhi mō ngā here tomonga, ā, he nui ngā mahi e haerehia ana i tēnei wā kia whakatūturu ai ko ā mātou kaimahi hōu e whai wāhi mahi ana e tika ana, whai take anō hoki. 

Ngā tauwāhi ā-rohe 

Ka whakatū tari te Manatū hōu ki ētahi tāone kei roto i ngā rohe, atu ki Tāmaaki -Makaurau, Kirikiriroa, Te Papaiōea, Ōtautahi me Ōtepoti. He wāhi kē o ngā tari Āheinga Oranga Pai me ngā tauwāhi hōu, ā, kua tīmata ake ngā mahi kia arotakengia ēnei wāhi mō te taha ki ngā here tomonga.

He paetukutuku te haere ake nei… 

Ko tā mātou whāinga kia whakarewa ai i te paetukutuku hōu ā te 1 o Hūrae. 
He mahi tonutanga tēnei tauwāhi mō tētahi wā e āheitia ai mātou ki te kawe atu i ngā kōrero e hāngai ana ki te whaikahatanga mai i te paetukutuku o Te Manatū Hauora, waihoki kia whakahōungia he kōrero, he puna hoki i ētahi atu paetukutuku kāwanatanga e hāngai ana. Ko tā mātou ingoa tauwāhi ko tēnei:   
www.whaikaha.govt.nz 

Ngā whakapānga mō te Manatū hōu:  

Waea utu kore: 0800 566 601 
Īmēra: contact@whaikaha.govt.nz 
Pouaka Mēra: Ministry for Disabled People 
Utu Whakahoki:262204 
P O Box 1556  
Pōneke 

Comments are closed.