02 June 2022

Putanga 3 Te Wāhanga Whakatū

Kia-ora rā, nau mai ki tēnei putanga tuatoru nā te Wāhanga Whakatū.

Kia-ora rā, nau mai ki tēnei putanga tuatoru nā te Wāhanga Whakatū

Ko te mutunga o Mei kē, ā, ko te tikanga kotahi marama anake e toe ana kia oti rawa ngā mahi tūāpapa katoa i a te Establishment Unit (Wāhanga Whakatū). He wā tino pukumahi kei tua! I tēnei marama i āhei mātou ki te whakaputa i ā mātou mātārere, pānui whakaahua hoki mō te hunga kei tō tātou hapori he kōpiringa, he korenga rānei ā rātou ki te ao matihiko. Ka puta atu ēnei ā kō ake nei ki ngā wāhi nui noa atu o te tūmatanui puta i Aotearoa, arā, ngā whare pukapuka, ngā whare hapori, Ngā Whare Pārongo Whaikaha me ngā Tari Tohutohu, waihoki mā ngā ratonga whakarato tuku mēra. Ko ngā mātārere e mau ana i ngā pārongo nui mō ngā mahi kei tua mā te manatū hōu, waihoki te tūranga a te Wāhanga Whakatū. Kua kapi katoa ēnei kōrero nā tā mātou pānui otiia, ki te hiahia kape mēra koe, he kape matihiko rānei mā te īmēra, tēnā whakapā mai ki tā mātou wāhi īmēra ka tuku he kape kia tae rawa ki a koe.

Kōrero mai ō whakaaro

Kei te uia hoki te hapori kia kōrero mai ki a mātou ō koutou whakaaro ngā momo aronga mā te Manatū hōu hei te 1 o Hūrae. Ka whakapūaki tēnei pūrongo ki te Tumuaki hōu inā tīmata ana taua tangata rā. E akiaki ana mātou i te katoa kia whakamahi i ngā ara e tau ana ki a koe kia kōrero mai ō koutou whakaaro. Ka taea e koe te whakamahi i tō mātou wāhi noho kore-utu, waiho mai he kōrero ki tā mātou waea 0800, tuku īmērā mai rānei ki a mātou. Ka taea e mātou te whakamāori i te NZSL ki te hiahia tuku karere kiriata mai mā te īmēra. Ka whakamahi hoki mātou i te atamira AmplifyU, ā, māu hoki hei whakatakoto kōrero ki Amplify o PukaMata . Tirohia a raro i tēnei pānui mō ā mātou kōrero whakapānga katoa.

Kei te hiahia uru mai ko ki te huitopa mataora tuku Ui whiwhi Urupare?

E whakatakoto ana tēnei pōhiri ki te katoa kia hono mai ki te hui Q&A me ngā tāngata matua i tō mātou Rōpū Hautū Hapori, ā, i roto mai i te Wāhanga Whakatū. Ka whakautu rātou i ngā ui tēnā pea kei a koe, mō ngā mahi e mahi ana mātou, mō ngā mahi kei te haere ake rānei. Mēnā rā kei te hīkaka koe ki te uru mai ki te hui Q&A te haere ake, kei te hiahia rānei kia whakahaerehia he tūnga mō tō rōpū, tēnā whakapā mai ki a mātou ki: establishmentunit@msd.govt.nz

Te Tahua 2022: Para ana i te ara mō ngā putanga pai atu mō te hunga whaikaha

Mō te tūpono i mahue i a koe, anei he takitaki kōrero nā Minita Sepuloni nō te wā o te whakapuakitanga o te Tahua 2022: “Ko te Tahua 2022 e whakatauira ana i tā te Kāwanatanga ngākaupono kia whakapuaki panonitanga mō te hapori whaikaha me te whakatūtanga ake o te Manatū hōu,” i kī ake a Minita Sepuloni.

“Ka whakawhiwhi tonu te hunga i ngā ratonga tautoko whaikaha otiia, nō te 1 o Hūrae ka ahu mai i te manatū hou. Ka nuku whakamua ki te ara o te ‘oranga katoa’ ki te whaikahatanga i tērā pōhēhē nui he ‘take hauora’ kē te whaikahatanga.’

Inā toka ai te tumu whakarae, kua oti kē te whakatūnga, me te kimi kaimahi i te hunga whai pūkenga, wheakotanga anō hoki e hiahia ana, waihoki, kua āta whakapai ake ngā whakahaere, ka tīmata ai te Manatū hōu ki te tautohu i ngā take punahanaha e whai pānga ana ki te hunga whaikaha.”

Whāia te hononga i konei mō te putanga perehi whānui kei ōna momo anga katoa: 2022 Budget Explained

Te pepa Rūnanga Kāwanatanga o Mei

I tēnei marama, nā Minita Sepuloni i whakapuaki pepa ki te Rūnanga Kāwanatanga e tautuhi ana i ngā whaikupu matua e whakahaere ai i a Te Manatū mō Te Hunga Whaikaha hōu. Mēnā rā kei te pākiki mai kia whai mōhiotanga atu anō mō tēnei pepa, tēnā haere ki:
Link to Alt formats for Cabinet Paper: Cabinet Paper Explained

Te tūātanga o te manatū hōu: Ngā mahi te haere ake

Ko te manatū hōu he ingoa tōna, e 3 ōna wāhanga – te reo Māori, te reo Pākehā me te reo Rotarota o Aotearoa (NZSL). Ko te manatū tuatahi tēnei, tari kāwanatanga rānei he ingoa tōna e whai wāhi ana te NZSL.

Kua whiwhi kōrero tautoko pai mai mō ngā ingoa reo Māori, reo Pākehā hoki. Tēnā koutou te hunga katoa i whakatakoto whakaaro mai me ngā kōrero a te ngākau mō te ingoa mā AmplifyU, waihoki i roto i ngā whakawhitinga kōrero me ngā hui. Ko te rōpū hautū whakatū me te rōpū kāwanatanga hoki e whai whakaaro ana ki ēnei, kia whakatauhia te ingoa reo

Māori, reo Pākehā hoki e whakamanahia ai e ngā Minita.

I te nuinga o te wā, ko ngā ingoa NZSL e whai pānga ana ki ngā tūtohu whenua, ngā mea rānei mō te rōpū pēnā i tāna waitohu, tōna hitoria rānei, ōna ingoa atu anō rānei. I te korenga ō ēnei tohu mō te manatū hōu i tēnei wā, ka takaroa ake te wā mō te whai tapanga i te NZSL. Inā rite mai te ingoa NZSL, ka whai wāhi ōkawa ki te Manatū hōu.

Ka whakapuaki a Minita Sepuloni te ingoa inā whakaaetia ana taua ingoa. Ka mana pea tērā inā tīmatahia mai te manatū hōu ā te 1 o Hūrae 2022.

Whakapā mai

Waea mai kia waiho kōrero ki: 0800 566 601
Īmērāhia mai tō kiriata, tō karere ā-tuhi nei ki: establishmentunit@msd.govt.nz 
Rapua mātou ki PukaMata ki: www.amplifyU.org.nz
Mērahia mai ō whakaaro ki: 
Establishment Unit – Ministry for Disabled People
Reply No. 262204
PO Box 1556
Wellington

Get help now – our services are free and confidential.
Get in touch
Ask us a question
Send us a quick message and we'll be in touch to assist as soon as possible.